موضوع مهم جدا : ماذا تفعل لو رايت هذا المشهد

السلام عليكم ورحمة الله وبركاتة
سوف اتكلم معاكوا فى موضوع جاد شوية
محتاج منكم الردود والاراء..
المشهد الاول :
انت خارج مع اصحابك
دخلتوا كافية
بتضرب بعينك شفت اختك قاعدة مع شاب وبيكلموا ونظرات عنيهم لبعض بتقول كتيييييييييير

المشهد التاني (أ) :
هتتحكم في اعصابك
وتاخد اصحابك وتقعدوا في كورنر بعيد بحيث انها متشوفكش
وطبعا عينك هتكون عليها
اول ما تشوفها ماشيه هتستأذن وتمشي انت كمان
في البيت هتروحلها
وهتبتسم في وشها وبمنتهي الحنيه تقولها
(تعالي انا عيزك في موضوع مهم)
هتاخدها وتروحوا تقعدوا في مكان هادي
وتقولها انك شفتها وعارف كل حاجة وعايز تسمع منها
هتحكيلك وتفتح قلبها
وهتطلب منها انك تتعرف على الشاب دا عشان تعرف نواياه ايه
وتوعدها
انك لو لقيته انسان كويس هتقف معاها
لكن لو كان غير كده.... يبقي لازم تسيبه فورا

انتهي المشهد على كده

بس قبل ماتقلب حواجبك سبعة و ثمانية
وقبل ماتتعصب..
اسمع الكلمتين دول
اسمع الكلمتين دول من بنت عارفة اكيد البنات كويس
البنت لو عايزة تعمل حاجة هتعملها حتي لو حبستها في قمقم او رمتها في بير ملوش قرار
اكيد هتخترع مليون خدعة تضحك عليك بيها عشان تعمل اللي هي عيزاه...

القرار ليك

هتسيبها تضحك عليك وتعلمها فن الكدب؟؟؟؟؟

ولا هتصاحبها وتقف جنبها؟؟؟؟
تبقي اخوها وصديقها وسندها.....
تبقي الشخص اللي تثق فيه وتلجأله لو واجهتها اي مشكله ..... ها اية رأيك ايها الشاب ...

انا بصراحة عرض عليكم الموضوع دا عشان محتار فية

فعايزين ردود سخنة من الشباب والبنات كلهم

يا سلام انتا هتعمل كدا يا كمال دا انتا هتقوم تضرب الشاب ده وبعدين يا عم انا مالي انا معنديش اخوات بنات

يا عم مش لازم تكون عندك اخوات بنات قول رايك وخلاص

ياه موضوع حلو اوى اوى اوى

احسن موضوع اتعمل لحد دلوقتى


طبعا انا المفروض مش هقول راى لانى بنت

بس عندى سؤال يا كمال

لو صحابك الى معاك

عارفين اختك

هل هتكون ردة فعلك زى ما هى

يعنى هتعل ايه قدام صحابك

مستنيه ردك

ايوا صحيح يا كمال السؤال ده صعب اوي لا انا بحيكي علي السؤال ده

سوال صعب فعلا بس انا اكيد مصلحة اختى عندى اهم من نظرة صحابى ليا قاكيد لازم افكر قبل ما اخد قرار لانى زى ما قلت البنت الى عايزة تعمل حاجة بتعملها

موضوع جميل
طيب عندى سؤال
اذا لقيت ال قعد مع اختك صحبك هيكون نفس ردك ولا اية

بصى هو اصلا الموضوع غلط من اولة لاخرة ان فى شاب يقعد مع بنت لاننا فى مجتمع شرقى اسلامى

لاكن دلوقتى لو شلنا اننا فى مجتمع شرقى ونبصلها من ناحية تانية ان البنت ممكن تعمل اى حاجة من غير ما حد يعرف ودا سهل جدا

اكيد هتبقا مصلحة البنت اهم من كل حاجة

ولا انتى اية رايك

هو اة طبعا ماينفعش ان بنت تقعد مع ولد دا اوك
بس انت طرحت موضوع ان فية بنت قاعده مع ولد انا لوكنت مكان اخوها هخدها من ايديها ونروح على البيت مش هخليها تكمل كلامها معاة

انا مش فاهمه حاجه