موضوع: لعبة العضو الغامض السبت فبراير 20, 2010 6:24 pm
جايبالكم النهاردة لعبة ظريفة كده ولذيذة .
اللعبة اسمها العضو الغامض ..
نبدأ وحدة وحدة عشان نعرف قواعد اللعبة ومانتوهش ..
المشرفة هتعمل في الأول عضوية في المنتدى باسم (العضو الغامض) وهتكون كلمة المرور بتاعتها معاها ..
أي عضو من الأعضاء له الحق في إنه يبقى العضو الغامض بشرط إنه يبعت لى رسالة خاصة يقولى او بيرو إنه ممكن يرشح نفسه للمهمة دي .. وانا ح بعتله رسالة خاصة فيها كلمة المرور ..
طيب إيه هي مهمة العضو الغامض ؟؟
نفترض إني مثلا بقيت العضو الغامض .. هدخل بالعضوية دي أظهر نفسي للأعضاء وأرحب بيهم وأنتظر منهم الأسئلة ..
من حق كل عضو إنه يسألني ثلاث أسئلة .. بشرط إن كل مشاركة فيها سؤال واحد بس .. وممكن طبعا يتناقش مع الأعضاء التانيين حول شخصيتي كعضو غامض .. كمان لكل عضو الحق في إنه يتعرف علي مرة واحدة بس .. يعني يذكر اسمي صريح .. ولو صح طبعا يبقى كلنا هنسقف له وليه 25 نقطه أما إذا كان غلط تبقى كده محاولاته انتهت ..
طيب إيه طبيعة الأسئلة اللي ممكن تسألوها ؟؟
تقدروا تسألوا أي سؤال ممكن بيه تقدروا تتعرفوا على شخصيتي .. مثلا امتى اشتركت في المنتدى .. عدد مشاركاتي ..كليتي أو أي حاجة انتوا شايفينها مناسبة .. طبعا هجاوبكم بس بطريقة غير مباشرة .. يعني مثلا اشتركت في الصيف .. عدد مشاركاتي فوق ال 50 .. كليتي في المجمع الطبي أو النظري .. وكده يعني .. يعني إجابة تتوه بس برضه تاخدوا منها معلومة ..
فيه بقى أسئلة ممنوعة .. زي اسمك إيه .. بنت ولا بلد .. مشرف ولا لأ .. أو أي أسئلة شخصية لا تتعلق بالموضوع ..
وممكن أوي كمان إني أدخل بعضويتي الأصلية في المنتدى وأسأل نفسي أسئلة وأجاوب عليها كمان عشان أبعد عن نفسي الشبهات .. يعني ولا كأني أنا الغامض .. لأني طبعا لو تغيبت عن اللعبة فترة هتعرف .. فيه طرق كتيرة تقدروا تتوهوا بيها العضو الغامض بس انتوا فكروا وهتلاقوا ..
أخيرا بقى من الأسئلة والأحوبة المطروحة تقدروا تجمعوا معلومات عن شخصية العضو الغامض وتحاولوا تستنجوا هو مين ؟؟
وطبعا اللي هيتعرف على العضو الغامض الأول ليه باقه ورد
موضوع: لعبة العضو الغامض 
السبت فبراير 20, 2010 6:24 pm
.. لأني طبعا لو تغيبت عن اللعبة فترة هتعرف .. فيه طرق كتيرة تقدروا تتوهوا بيها العضو الغامض بس انتوا فكروا وهتلاقوا ..
